Plaasaktiwiteite & Wetlike Vrae
WATER EN WATERREGTE
Mag ek ’n nuwe boorgat boor?
Wetlik: Die boorwerk self vereis nie noodwendig ’n Watergebruiklisensie nie. Die onttrekking van grondwater is egter ’n artikel 21(a)-watergebruik ingevolge die Nasionale Waterwet.
Wat moet ek doen? Laat eers die boorgat hidrogeologies plaas. Bepaal daarna of die beoogde volume onder Skedule 1, ’n Algemene Magtiging, bestaande wettige gebruik of ’n Watergebruiklisensie val.
Wanneer benodig ek ’n Watergebruiklisensie?
Wetlik: ’n Lisensie is nodig indien die watergebruik nie reeds wettig is of deur Skedule 1 of ’n Algemene Magtiging gedek word nie. Artikel 21 sluit onder andere onttrekking, opgaring, rivierkruisings, afloopwater en verandering van ’n waterloop in. Kontak ENVASS indien jy meer wil weet oor Sjedule 1.
Wat moet ek doen? Laat ’n watergebruik-sifting doen voordat water onttrek, opgegaar, afgelei of in ’n waterloop gewerk word.
Mag ek ’n dam bou of vergroot?
Wetlik: Die opgaring van water is ’n artikel 21(b)-watergebruik. Die dam kan ook onder damveiligheids- en omgewingsvereistes val, veral as dit groter as 50 000m3 volume gaan beslaan of as die wal n seker hoogte oorskry.
Wat moet ek doen? Bevestig die dam se kapasiteit, walhoogte, waterbron en ligging voordat ontwerp of konstruksie begin. Wees versigtig om betaande damme te vergroot na volumes wat wel n lisensie vereis.
Mag ek meer besproeiingswater onttrek?
Wetlik: ’n Bestaande registrasie of lisensie laat nie outomaties ’n groter volume toe nie, dit kan wel n water lisensie vereis of n verandering to n bestaande lisensie.
Wat moet ek doen? Vergelyk die huidige gemagtigde volume met die beoogde volume en doen aansoek vir ’n wysiging of nuwe magtiging voordat onttrekking verhoog word.
My boorgat lewer minder water. Wat moet ek doen?
Moontlike redes: Dalende grondwatervlakke, ooronttrekking, droogte, pompversaking, verstopping of skade aan die boorgat.
Wat moet ek doen? Meet die statiese en dinamiese watervlak, toets die pomp en laat ’n pomptoets en hidrogeologiese beoordeling uitvoer voordat ’n nuwe boorgat geboor word.
My waterkwaliteit het verswak.
Wetlik: Artikel 19 van die Nasionale Waterwet plaas ’n plig op ’n grondeienaar of gebruiker om besoedeling te voorkom en redelike stappe te neem indien besoedeling voorkom.
Wat moet ek doen? Laat die water by ’n toepaslike laboratorium ontleed, ondersoek moontlike bronne en stop enige voortgaande besoedeling.
Mag ek water uit ’n rivier pomp?
Wetlik: Rivieronttrekking is ’n artikel 21(a)-watergebruik
Wat moet ek doen? Bevestig bestaande wettige gebruik, registrasie, Algemene Magtiging of lisensie voordat ’n pomp geïnstalleer of gebruik word.
Mag ek ’n spruit of rivier aflei?
Wetlik: Die belemmering of afleiding van vloei is ’n artikel 21(c)-watergebruik. Verandering van die bedding, oewer of eienskappe is ’n artikel 21(i)-watergebruik.
Wat moet ek doen? Moenie die waterloop aflei voordat ’n akwatiese spesialis die werk beoordeel en die nodige watergebruikmagtiging bevestig het nie.
Mag ek binne ’n rivier of dreineringslyn bou?
Wetlik: Paaie, brûe, duikers, pypleidings en grondwerke kan artikels 21(c) en 21(i) aktiveer. ’n Omgewingsmagtiging kan ook nodig wees.
Wat moet ek doen? Laat die waterloop afbaken, bepaal die gereguleerde gebied en verkry die nodige magtiging vóór konstruksie
Wat is ’n vleiland?
Wetlik: ’n Vleiland is grond wat permanent of tydelik met water versadig is en waar kenmerkende grond- en plantegroeitoestande voorkom. Dit vorm deel van ’n waterloop ingevolge die Nasionale Waterwet. Daar is volgense regulasies n hele paar soorte vlielande en dit is goed as a boer dit verstaan.
Wat moet ek doen? Moenie self op voorkoms alleen besluit nie. Laat ’n spesialis die vleiland en toepaslike buffer of gereguleerde gebied afbaken. Daar is prosesses in plek om vleilande te analiseer em om aansoeke te loots vir seker verbuike binne die grense van die vleilande
PLAASONTWIKKELING EN UITBREIDING
Ek het ou geboue om my grond
Wetlik: Die verwydering van die geboue kan n permit benodig en n deskundige opinie van geboue ouer as 60 jaar sal verkry moet word
Wat moet ek doen? Laat die spesialis sift voordat geboue afgebreek word.
Ek wil my lande uitbrei.
Wetlik: Die verwydering van inheemse plantegroei of ontwikkeling binne ’n sensitiewe gebied kan ’n gelyste aktiwiteit ingevolge die NEMA EIA-regulasies wees.
Wat moet ek doen? Laat die uitbreidingsgebied omgewingskundig sift voordat plantegroei verwyder of grond voorberei word. Daar is ook interaktiewe modelle beskikbaar waar jy self kan gaan kyk.
Ek wil natuurlike plantegroei verwyder.
Wetlik: Omvang, ligging, plantegroeitipe en provinsiale biodiversiteitsensitiwiteit bepaal of Omgewingsmagtiging of spesiepermitte nodig is.
Wat moet ek doen?Laat ’n biodiversiteits- en NEMA-snellerbeoordeling doen voordat enige skoonmaak begin.
Ek wil nuwe boorde of wingerde vestig om nuwe areas
Wetlik: Die projek kan natuurlike plantegroei, watergebruik, vleilande of sensitiewe landbougrond beïnvloed.
Wat moet ek doen? Bevestig grondpotensiaal, waterbeskikbaarheid, biodiversiteit en magtigings voordat die uitleg gefinaliseer word.
Ek wil nuwe skure of infrastruktuur oprig.
Wetlik: Munisipale bougoedkeuring is normaalweg nodig. Omgewingsmagtiging kan nodig wees indien die infrastruktuur ’n gelyste aktiwiteit of sensitiewe gebied raak.
Wat moet ek doen? Doen ’n ligging- en wetlike sifting voordat planne ingedien of grondwerke begin word.
Ek wil nuwe plaaspaaie bou.
Wetlik: Munisipale bougoedkeuring is normaalweg nodig. Omgewingsmagtiging kan nodig wees indien die infrastruktuur ’n gelyste aktiwiteit of sensitiewe gebied raak.
Wat moet ek doen? Doen ’n ligging- en wetlike sifting voordat planne ingedien of grondwerke begin word.
Ek wil ’n rivier met ’n pad of pyplyn oorsteek.
Wetlik: Die kruising is gewoonlik ’n artikel 21(c)- en/of 21(i)-watergebruik en sal heel moontlik n lisensie nodig kry.
Wat moet ek doen? Laat ’n akwatiese beoordeling en toepaslike ingenieursontwerp doen en verkry magtiging vóór konstruksie.
Ek wil ’n voerkraal ontwikkel.
Wetlik: Die konsentrasie van diere kan ’n gelyste NEMA-aktiwiteit wees, afhangend van die dieregetal, digtheid, ligging en infrastruktuur.
Wat moet ek doen? Bevestig die beplande aantal diere, kampgrootte, misbestuur, afloopbeheer en watergebruik voordat die fasiliteit ontwerp word.
Ek het plaasafval wat verwyder moet word.
Wetlik: Afval mag nie onwettig gestort, begrawe of verbrand word nie. Sekere bergings-, behandelings- en wegdoenaktiwiteite vereis ’n afvalbestuurslisensie.
Wat moet ek doen? Identifiseer die afval, skei gevaarlike afval en gebruik ’n gemagtigde vervoerder en afvalfasiliteit. Hou wegdoenbewyse.
BIODIVERSITEIT EN BEWARING
Is daar vleilande op my plaas?
Wetlik: Werk binne ’n vleiland of waterloop kan watergebruikmagtiging vereis.
Wat moet ek doen? Laat die vleiland deur ’n bevoegde spesialis afbaken voordat ontwikkeling, dreinering of bewerking plaasvind.
Ek wil natuurlike plantegroei verwyder.
Wetlik: Omvang, ligging, plantegroeitipe en provinsiale biodiversiteitsensitiwiteit bepaal of Omgewingsmagtiging of spesiepermitte nodig is.
Wat moet ek doen?Laat ’n biodiversiteits- en NEMA-snellerbeoordeling doen voordat enige skoonmaak begin.
Is my plaas binne ’n Kritieke Biodiversiteitsgebied?
Wetlik: ’n CBA is nie altyd ’n verbode gebied nie, maar verhoog die waarskynlikheid van spesialisstudies en streng ontwikkelingsbeperkings.
Wat moet ek doen? Laat die plaas teen die toepaslike provinsiale biodiversiteitsplan en die DFFE-siftingsinstrument toets.
Ek het indringerplante.
Wetlik: Die NEMBA-regulasies vereis dat grondeienaars die verspreiding van gelyste indringerspesies voorkom en toepaslike spesies beheer.
Wat moet ek doen? Identifiseer die spesie en kategorie en stel ’n beheer-, opvolg- en rehabilitasieplan op. wees baie bedag dat jou gronde nie onbestuur gelos word nie, veral dat plante nie in vleiland of beskermde areas inbeweeg van jou gronde af nie.
Mag ek beskermde bome verwyder?
Wetlik: ’n Beskermde boom mag nie sonder ’n permit gesny, beskadig, versteur of verwyder word nie.
Wat moet ek doen? Laat die spesie bevestig en verkry die toepaslike permit voordat die boom geraak word.
Mag ek op my plaas jag?
Wetlik: Jag word hoofsaaklik deur provinsiale natuurbewaringswetgewing, jagseisoene, permitte en spesiebeperkings gereguleer.
Wat moet ek doen? Bevestig die spesie, provinsie, jagseisoen, kwota en permitvereistes by die provinsiale bewaringsowerheid.
Ek het probleemdiere.
Wetlik: Beskermde of gelyste diere mag nie sonder toepaslike toestemming gevang, vergiftig of doodgemaak word nie.
Wat moet ek doen? Dokumenteer die skade en kontak die provinsiale bewaringsowerheid voordat beheermaatreëls toegepas word.
GRONDPOTENSIAAL, EROSIE EN REHABILITASIE
Wat is my grond se landbou-potensiaal?
Wat moet ek doen? Laat grondvorm, diepte, helling, dreinering en beperkings karteer voordat nuwe gewasse of infrastruktuur beplan word.
Hoeveel beeste kan my plaas dra?
Wetlik: Oorbeweiding en gronddegradasie kan strydig wees met grondbewaringsverpligtinge ingevolge landbouhulpbronwetgewing.
Wat moet ek doen? Laat ’n veldtoestand- en weidingskapasiteitsassessering doen en pas die aantal grootvee-eenhede daarby aan.
Ek het ernstige erosie.
Wetlik: Die grondeienaar moet redelike maatreëls neem om gronddegradasie en besoedeling van waterhulpbronne te voorkom.
Wat moet ek doen? Stop die oorsaak, beheer afloop en stel ’n ontwerpgebaseerde rehabilitasieplan op voordat strukture gebou word.
My rivieroewers spoel uit.
Wetlik: Oewerherstel kan die bedding of oewer van ’n waterloop verander en artikel 21(i) aktiveer en om binne rivier areas en of vleilande te werk kan as a oortreding gesien word.
Wat moet ek doen? Kry akwatiese en ingenieursadvies voordat klip, beton, skanskorwe of grond in die oewer geplaas word.
My grond is besoedel.
Wetlik: NEMA plaas ’n sorgsaamheidsplig op die verantwoordelike persoon om besoedeling te voorkom, te beperk en waar nodig te herstel.
Wat moet ek doen? Stop die bron, beperk verspreiding, neem grondmonsters en bepaal of formele kontaminasieterreinprosesse nodig is.
BESOEDELING, AFVAL EN GEVAARLIKE STOWWE
Ek berg groot mate diesel.
Wetlik: Dieselberging moet besoedeling voorkom. Groot installasies kan ook bou-, brandveiligheids-, NEMA- of ander goedkeurings aktiveer.
Wat moet ek doen? Gebruik ’n ondeurdringbare, gebonde area; beskerm aflewerings- en vulpunte; hou ’n morsstel en noodprosedure beskikbaar. Indien onseker oor die volumes en of areas waarbinne dit gestor word praat met n ENVASS spesialis vir advise.
Ek berg plaagdoders.
Wetlik: Gebruik en berg slegs geregistreerde landboumiddels volgens die goedgekeurde etiket en veiligheidsvereistes.
Wat moet ek doen? Hou produkte gesluit, gemerk, geskei van voer en water en laat ’n bevoegde persoon die produkkeuse bevestig.
Mag ek afval verbrand?
Wetlik: Afvalverbranding kan ’n gelyste afval- of atmosferiese emissie-aktiwiteit wees. Afvalverbranding in ’n verbrandingsoond is streng gereguleer, selfs op munisipale valk.
Wat moet ek doen? Moenie afval verbrand voordat die afvaltipe, verbrandingsmetode en toepaslike munisipale, afval- en luggehaltevereistes bevestig is nie.
Mag ek plantegroei verbrand?
Wetlik: Beheerde brande word deur brandwetgewing, munisipale verordeninge, brandgevaarperiodes en die plaaslike Brandbeskermingsvereniging gereguleer.
Wat moet ek doen? Kry vooraf toestemming waar nodig, stel brandbane in stand en voldoen aan die plaaslike brandgevaarreëls.
Ek het ’n verbrandingsoond.
Wetlik: Afvalverbranding kan ’n afvalbestuurslisensie en, waar ’n gelyste emissie-aktiwiteit plaasvind, ’n Atmosferiese Emissielisensie vereis.
Wat moet ek doen? Laat die tipe afval, kapasiteit, temperatuur en emissies formeel beoordeel voordat die oond bedryf word.
Ek het grondwaterbesoedeling.
Wetlik: Artikel 19 van die Nasionale Waterwet vereis redelike stappe om besoedeling te stop, te beperk en te herstel.
Wat moet ek doen? Stop die bron, stel ’n grondwatermoniteringsnetwerk op, bepaal die verspreidingsrigting en rapporteer die voorval waar nodig.
Ek het probleme met misbestuur.
Wetlik: Misopberging of -behandeling kan afval- en watergebruiksvereistes aktiveer indien afloop of besoedeling kan plaasvind.
Wat moet ek doen? Bereken misvolumes, skei skoon en vuil water, verseël bergingsareas en voorkom afloop na waterlope.
Watter plaagdoder is die beste vir my gewas?
Wetlik: Slegs geregistreerde produkte mag vir die geregistreerde gewas, plaag, dosis en toepassingsmetode gebruik word.
Wat moet ek doen? Raadpleeg ’n geregistreerde gewasadviseur en volg die produketiket presies.
HERNUBARE ENERGIE
Mag ek sonpanele installeer?
Wetlik: Dakinstallasies het gewoonlik ’n laer omgewingsrisiko. Grondgemonteerde installasies kan NEMA-, grondgebruik- en munisipale goedkeuring vereis.
Wat moet ek doen? Bevestig die oppervlak, kapasiteit, ligging, netwerkverbinding en biodiversiteitsensitiwiteit voordat konstruksie begin.
Mag ek ’n sonplaas ontwikkel?
Wetlik: Die opwekkingskapasiteit, ontwikkelingsvoetspoor, transmissie-infrastruktuur en ligging bepaal of Omgewingsmagtiging nodig is.
Wat moet ek doen? Laat ’n NEMA- en roetesifting doen voordat grond verkry of die uitleg gefinaliseer word.
Mag ek elektrisiteit na die netwerk terugvoer?
Wetlik: Terugvoer vereis goedkeuring en ’n aansluitingsooreenkoms van Eskom of die betrokke munisipale verspreider.
Wat moet ek doen? Moenie die stelsel parallel aan die netwerk koppel voordat die verspreider die ontwerp en aansluiting goedgekeur het nie.
WETLIKE NAKOMING
Benodig ek ’n omgewingsoudit?
Wetlik: Die EIA-regulasies vereis oudits van ’n goedgekeurde Omgewingsbestuursprogram waar dit van toepassing is. ’n Omgewingsmagtiging of Watergebruiklisensie kan addisionele ouditvereistes bepaal.
Wat moet ek doen? Lees die magtiging, lisensie en EMPr en stel ’n ouditkalender volgens die voorgeskrewe frekwensie op.
Ek het ’n Omgewingsmagtiging.
Wetlik: Alle voorwaardes en die goedgekeurde EMPr is bindend.
Wat moet ek doen? Stel ’n voorwaarderegister op, ken verantwoordelikhede toe en hou bewys van monitering, opleiding en regstellende optrede.
Ek het ’n Watergebruiklisensie.
Wetlik: Slegs die gemagtigde watergebruike, volumes, liggings en aktiwiteite mag uitgevoer word.
Wat moet ek doen? Stel ’n lisensievoorwaarderegister, moniteringsprogram en verslagdoeningskalender op.
Moet ek my lisensie monitor?
Wetlik: Ja, indien die lisensie monitering, meting, monsters, rekords of ouditering vereis.
Wat moet ek doen? Installeer die vereiste meettoerusting, gebruik toepaslike laboratoriums en hou alle rekords beskikbaar vir inspeksie.
Die Departement het my plaas besoek.
Wat moet ek doen?Bevestig die inspekteur se besonderhede, hou permitte en rekords gereed, neem eie notas en reageer skriftelik op enige bevindings.
Die Departement het my plaas besoek.
Wat moet ek doen?Bevestig die inspekteur se besonderhede, hou permitte en rekords gereed, neem eie notas en reageer skriftelik op enige bevindings.
Ek het ’n kennisgewing ontvang.
Wetlik: Die kennisgewing bevat gewoonlik ’n reaksietydperk en moontlike afdwingingsstappe.
Wat moet ek doen? Moenie dit ignoreer nie. Teken die sperdatum aan, bewaar alle bewyse en kry omgewings- en regsadvies voordat ’n formele antwoord ingedien word.
Wat moet ek volgende doen?
- Moenie met die aktiwiteit begin voordat die wetlike vereistes bevestig is nie.
- Laat ENVASS 'n voorlopige wetlike en omgewingsifting doen.
- Ontvang 'n kort aanduiding van die magtiging, spesialisstudie of regstellende stap wat nodig is.
Laat ENVASS my plaasaktiwiteit beoordeel
Hierdie antwoorde is voorlopige riglyne en vervang nie ‘n formele omgewings-, water-, landbou- of regsbeoordeling nie.